Shëndeti i Jessie J përkeqësohet, këngëtarja konfirmon një operacion tjetër: Mund ta bëj
Këngëtarja Jessie J njoftoi për ndjekësit në Instagram se këtë vit do t’i duhet një tjetër ndërhyrje kirurgjikale për shkak të përkeqësimit të shëndetit të saj.
“Këtë vit, nevojitet një ndërhyrje tjetër kirurgjikale, mund ta bëj. Edhe rritjen e një fëmije të vogël mund ta bëj. Edhe publikimin e muzikës së re mund ta bëj”, shkroi ajo.
Në videon e publikuar, ku shfaqet data 29 gusht, pritet të dalë edhe albumi i saj i ri.
“Shtatë javë pas operacionit të kancerit të gjirit dhe ende në procesin e rikuperimit, trupi im ende po gjen rrugën e vet. E dua muzikën, e dua jetën time dhe dua të jetoj momentin”, tha ajo.
Disa ditë më parë, Jessie J ishte shtruar në spital për shkak të dyshimeve për mpiksje gjaku, pas dhimbjeve në gjoks.
“Jeta është e shtresuar dhe ka ulje-ngritje, thjesht duhet të vazhdojmë t’i jetojmë të gjitha sa më mirë që të mundemi. Ja ku jam duke jetuar”, kishte thënë këngëtarja.
