Shënohet Dita Botërore e Sindromit Down

Në Kosovë, sikurse në të gjithë botën, sot shënohet Dita Ndërkombëtare e Sindromit Down.

Synimi i kësaj dite është që të rrisë ndërgjegjësimin dhe informimin për këtë sindromë, si dhe të promovojë të drejtat e trashëguara të personave të prekur nga sindroma për të jetuar një jetë me dinjitet dhe për të qenë aktivë dhe pjesëmarrës që japin vlera në komunitetin dhe shoqërinë ku jetojnë.

Për nder të kësaj dite, sot përurohen hapësirat e reja të Shoqatës Down Syndrome Kosova.

Krijimi i hapësirave të mjaftueshme për shërbimet që ofron kjo shoqatë ndikon drejtpërsëdrejti në mirëqenien e anëtarëve me sindromën Down.

Ky aktivitet do të mbahet në lokalet e NPB-së, në qytezën Pejton me fillim në ora 09:00.