Shënohet “Dita Ndërkombëtare pa Makina”, kërkohet të përdoren biçikletat

Ministria e Mjedisit, Planifikimit Hapësinor dhe Infrastrukturës bashkë edhe me komunën e Prishtinës dhe Policinë e Kosovës kanë shënuar “Ditën Ndërkombëtare pa Makina”.

Dita Ndërkombëtare pa Makina synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin dhe si një përpjekje për të kontribuar në mbrojtje të mjedisit.

Që prej vitit 1988 në Paris ka filluar të festohen kjo ditë dhe brenda katër viteve ka arritur të bëhet Dita Botërore e Lëvizjes pa Makina në të gjithë botën.