Shënohet rekord i temperaturave të larta në Vjenë

Temperatura jashtëzakonisht të larta u regjistruan në pjesët lindore të Austrisë të dielën, dhe një rekord i ri absolut i temperaturës u vendos në Vjenë.

Në qendër të Vjenës u matën 40 gradë Celsius, duke tejkaluar rekordin e mëparshëm prej 39.5 gradësh nga gushti i vitit 2013. Rekordi i ri i qershorit ishte vendosur më parë në Bad Deutsch-Altenburg, por të dielën, sipas Kronen Zeitung , “rekordi i trishtueshëm” u thye përsëri me një temperaturë që kryeqyteti nuk e kishte parë kurrë më parë.

Vala e të nxehtit shkaktoi gjithashtu rritje të temperaturave të ujit në lumenj dhe liqene. Temperatura e Danubit në Vjenë arriti në 29.6 gradë, ndërsa temperatura e liqenit Neusiedlersee u rrit në rreth 32 gradë.

Temperatura jashtëzakonisht të larta u regjistruan gjithashtu në lartësi më të mëdha.

Sipas të dhënave nga shërbimet meteorologjike, rekordet mujore të temperaturave janë thyer tashmë në disa shtete federale austriake, dhe në disa raste edhe rekorde absolute. Një rifreskim afatshkurtër pritet në mes të javës, por parashikimet afatgjata njoftojnë përsëri mundësinë e një vale të re të nxehtit./Indeksonline/