Shevchenko i jep “lamtumirën” Ukrainës

Legjenda e futbollit, Andiy Shevchenko ka njoftuar se ka përfunduar kontratën me Ukrainën dhe nuk do të vazhdoj më të jetë në krye të shtabit teknik.

Në një postim në rrjetet sociale, ish-ylli i Milanit ka falënderuar ukrainasit për mbështetjen e tyre, shkruan Indeksonline.

Ky është njoftimi i Shevchenkos:

Sot, kontrata ime me Federatën e Futbollit të Ukrainës përfundoi. Kam kaluar pesë vjet me ekipin kombëtar. Ishte punë e vështirë që vërtetoi se ne jemi të aftë të luajmë futboll modern. I jam mirënjohës presidentit dhe komitetit ekzekutiv të UAF për mundësinë për të punuar me ekipin kombëtar të Ukrainës. Unë jam mirënjohës për çdo lojtar, çdo person që ndihmoi dhe u përfshi në ekip.

Shumë faleminderit të gjithë fansave për mbështetjen dhe kritikat e tyre.

Së bashku, ne arritëm të tregojmë se futbolli ynë mund të jetë konkurrues, produktiv dhe emocionues, me besim në Ukrainë.