Shkarkohen drejtorët e ndërmarrjes “Trepça”
Qeveria e Kosovës ka shkarkuar sot gjashtë drejtorët e ndërmarrjes publike “Trepça”.
Kjo u bë me propozim të ministres së Ekonomisë, Rozeta Hajdari.
”I propozoj Qeverisë që të shkarkojë drejtorët në ndërmarrjen “Trepça”. Sipas ligjit, Qeveria duhet t’i shkarkojë drejtorët kur ka arsye që i kanë shkelur detyrat. Në rastin e “Trepçës”, bordi ka lejuar veprime që bien ndesh me interesin e ndërmarrjes”, ka deklaruar Hajdari, derisa ka përmendur edhe konkursin e fundit, për të cilën janë mbajtur protesta.
Qeveria e ka votuar propozimin e Hajdarit, pa asnjë votë kundër dhe asnjë abstenim.