Shkencëtarët kinezë “godasin” me eksperimentin e ri, vaksina për Covidin-19 prodhon përgjigje imune!

Shpresat se do të ketë një vaksinë për mbrojtje nga Covid19, janë rritur përsëri. Shkencëtarët kinezë kanë prodhuar një vaksinë, që sipas tyre është e sigurt pasi që ka dhënë përgjigje imune.

Çdo vullnetari që i jepet një dozë e dyfishtë e vaksinës së firmës shtetërore “Sinopharm”, prodhoi antitrupa kundër SARS-CoV-2, që shkakton Covid-19.

Në teori, kjo vaksinë do t’i mbrojë ata nga kapja e virusit përsëri në të ardhmen, ose të paktën t’i mbrojë ata nga zhvillimi i një periudhe të rëndë të sëmundjes, shkruan Daily Mail- transmeton IndeksOnline. Por kjo nuk është provuar nga shkencëtarët akoma – ata vetëm e kanë injektuar në më pak se 1 mijë pjesëmarrës.

Një vaksinë konsiderohet çelësi për t’i dhënë fund pandemisë Covid-19, e cila deri më tani u ka marrë jetën shumë njerëzvë anë e kënd botës.

Efekti anësor më i zakonshëm, i raportuar nga një e katërta e vullnetarëve, ishte dhimbja në pikën e injektimit të gjilpërës – e cila është e zakonshme për çdo goditje.

Nga ana tjetër, zyrtarë të Organizatës Botërore të Shëndetësisë kanë pretenduar se një vaksinë kundër Covid19, nuk do të jetë gati deri në 2021.

Rezultatet e dy fazave të para të provave klinike të vaksinës së “Sinopharm”, botuar në The Lancet, vijnë pasi ekspertët lëshuan rezultate premtuese të një tjetër goditjeje kandidatësh të bërë nga Pfizer dhe partneri i saj gjerman./IndeksOnline/