Shkencëtarët zbulojnë mushkonjën më të vjetër fosile në botë që ka ekzistuar 247 milionë vjet më parë

Shkencëtarët kanë zbuluar shembullin më të vjetër të një insekti të vogël pickues në një plazh të Mesdheut.

Fosili, i gjetur në Mallorca, tregon një shembull të pacenuar të një larve mushkonjë që u zvarrit mbi tokë rreth 247 milionë vjet më parë, përpara se kontinentet të fillonin të formoheshin.

Studiuesit janë në gjendje të dallojnë sistemin tretës dhe kokën e krijesës dhe madje të tregojnë se si ishte në gjendje të merrte frymë.

Ky fosil është disa miliona vjet më i vjetër se sa një fosil i cili mbante rekordin për vite me radhë që u gjet në Francë.

Insektet i përkasin një grupi të quajtur dipteran që përfshin gjithashtu mushkonjat.  Shkencëtarët besojnë se zbulimi i fundit mund të mbajë çelësin për të zbuluar se si jeta u rikuperua nga zhdukja masive më e madhe ndonjëherë e Tokës, e cila zhduki 95% të të gjitha specieve rreth 250 milionë vjet më parë.

Dr Ricardo Pérez-de la Fuente, nga Muzeu i Historisë Natyrore i Universitetit të Oksfordit, është një nga autorët e studimit që bëri zbulimin e rëndësishëm.

Ai tha: “Ne kemi qenë në gjendje të shohim disa nga përshtatjet e dipteranëve të parë në mjedisin post-apokaliptik në fillim të Triasikut, për shembull, një sistem frymëmarrjeje që gjendet ende në grupe të ndryshme insektesh sot.”

Larva ka marrë emrin e Josep Juárez, njeriu që e zbuloi atë gjatë një studimi paleontologjik në zonën pranë portit të vogël të Estellencs në verilindje të Mallorca.

Ajo do të quhet Protoanisolarva juarezi, ose ‘larva anizopodoide stërgjyshore e Juárez’. Autori i parë në studim është Dr Enrique Peñalver, i cili punon për Këshillin Kombëtar të Kërkimit Spanjoll (CSIC) në Shërbimin Gjeologjik Spanjoll (CN-IGME).

Ai tha: Ndërsa po e inspektoja nën mikroskop, i hodha një pikë alkooli për të rritur kontrastin e strukturave dhe isha në gjendje të dëshmoja sesi fosili kishte ruajtur strukturat e jashtme dhe të brendshme të kokën, disa pjesë të sistemit të tretjes dhe, më e rëndësishmja, hapjet e jashtme të sistemit të tij të frymëmarrjes, ose spirakulat.

Muajin e kaluar, shembulli më i vjetër i një truri vertebror të ruajtur mirë u gjet në kokën e një peshku 319 milionë vjeçar që u nxor nga një minierë qymyri angleze rreth një shekull më parë.