Shkencëtarët zbulojnë qelizën, që mund të trajtojë të gjitha llojet e kancerit

Shkencëtarët britanikë kanë zbuluar një qelizë imune, që mund të çojë në trajtimin e të gjitha llojeve të kancerit.

Qeliza është zbuluar rastësisht nga shkencëtarët, të cilët, edhe pse është herët për të folur, janë optimistë se zbulimi i tyre mund të dëshmojë se është një (ilaç) mjekim për të luftuar kancerin në të ardhmen.

Kjo qelizë duhet të konfirmohet pas provave klinike te njerëzit.

Studiuesit e Shkollës së Mjekësisë Universitare të Cardiff, të udhëhequr nga profesori Andrew Sewell analizuan mostra nga një bankë gjaku duke kërkuar qelizat imune, por gjetën llojin e ri të qelizës T me aftësi të konsiderueshme antitumor.

Qeliza ka një lloj receptori të panjohur më parë (TCR) që lejon që ajo të njohë dhe synojë ekskluzivisht qelizat kancerogjene, duke injoruar qelizat e shëndetshme, përmes një mekanizmi që nuk është ende i qartë për shkencëtarët. Studimet laboratorike pasuese kanë treguar që këto qeliza imune shkatërrojnë kancerin e lëkurës, gjakut, zorrëve, gjirit, kockave, prostatës, vezoreve, veshkave dhe qafës së mitrës.

Dr Sewell tha se ishte “jashtëzakonisht e pazakontë” të gjesh një qelizë me kaq shumë potenciale anti-kancerogjene, e cila jep shpresë edhe për trajtim universal të kancerit në të ardhmen, sipas BBC dhe British Independent dhe Telegrafit.

“Ishte një zbulim rastësor, askush nuk e dinte që kjo qelizë ekzistonte. Zbulimi ynë ngre perspektivën e një trajtimi universal për kancerin, një T-qelizë unike e aftë për të shkatërruar shumë lloje të ndryshme të kancerit në popullatë. Deri tani askush nuk ka menduar se kjo do të ishte e mundur, “tha imunologu britanik.

Eksperimentet te minjtë, ku u futën qelizat e reja T, lanë rezultate “inkurajuese” në eliminimin e tumoreve kanceroze. Sewelli tha se progresi pritet të jetë i shpejtë, me testimin dhe zhvillimin e një trajtimi të ri të mundshëm. Testimet e para në pacientët me kancer në fazën përfundimtare pritet të fillojnë këtë nëntor, me testet laboratorike të mëvonshme që tregojnë se trajtimi është i sigurt.