Shkencëtarët zbulojnë vendin e fshehur të virusit të rrezikshëm

Shkencëtarët belgë në Spitalin Universitar Gent kanë zbuluar vendin e fshehjes së HIV-it, i cili është një hap i rëndësishëm për zhdukjen e virusit, raporton sot Focus on Belgium.

“HIV fshihet në qeliza të ndryshme specifike të trupit dhe kështu mund të kontrollohet nga mjeku. Nëse pacienti ndalon marrjen e frenuesve të HIV-it, virusi mund të rishfaqet në ato qeliza dhe të shkaktojë që ai të përhapet, “thanë shkencëtarët e spitalit në Gent.

Ekspertët besojnë se zbulimi mund të ndihmojë në hetimin e mëtutjeshëm të virusit, duke shtuar se deri më tani mendohej se vetëm qelizat që janë duke u ndarë në mënyrë aktive janë një nga përgjegjësit për rritjen e “rezervuarit të virusit”.

“Kjo rritje shkaktohet jo vetëm nga një organ ose një lloj qelize specifike, por nga disa lloje të qelizave të tilla në pjesë të ndryshme të trupit, siç janë gjaku, nyjat limfatike dhe indet e zorrëve”, thanë shkencëtarët.

Ekspertët belgë shtuan se në këtë mënyrë “një betejë tjetër kundër sëmundjes, e cila tani konsiderohet kronike, por jo më vdekjeprurëse, u fitua falë trajtimeve të reja që janë akoma shumë të shtrenjta”, shkruan portali belg, duke shtuar se shkencëtarët ende nuk kanë fituar luftën kundër HIV, i cili shkakton sidën.

Sida ose sindroma e mungesës autoimune paraqet fazën e fundit të infeksionit me HIV. Më shumë se 37 milionë njerëz në të gjithë botën janë të infektuar nga virusi.