Shkëputet vinçi në Rahovec, lëndohen dy persona

Dy persona kanë pësuar lëndime në Rahovec, derisa ishin duke punuar në ndërtimin e një shtëpie.

Ngjarja ka ndodhur të premten, në rrugën “Vëllezërit Frashëri”, rreth orës 10:00.

Lëndimet ata i pësuan kur vinçi është shkëputur nga pllaka dhe ka rënë në tokë.

Viktimat janë dërguar për tretman mjekësor, ndërsa në vendin e ngjarjes kanë dalë njësitet përkatëse dhe inspektori i punës.

“ASGJËSIM, DËMTIM OSE HEQJE E PAISJEVE MBROJTËSE – Rr. Vëllezërit Frashëri, Rahovec 02.02.2024 – 10:00. Raportohet se dy viktimat meshkuj kosovarë kanë pësuar lëndime trupore derisa kanë qenë duke punuar në ndërtimin e një shtëpie, kur vinçi është shkëputur nga pllaka dhe ka rënë në tokë. Viktimat janë dërguar për tretman mjekësor. Në vendin e ngjarjes kanë dalë njësitet përkatëse dhe inspektori i punës. Lidhur me rastin është njoftuar prokurori”, thuhet në raport.