Shpallet fajtor, abuzonte më fëmijë

Një juri federale dënoi te mërkurën (14 shtator) R Kellyn për disa akuza për pornografi me fëmijë dhe abuzim seksual në Çikago, duke i dhënë një goditje tjetër ligjore një këngëtari që dikur ishte një nga yjet më të mëdhenj te R&B në botë.

55-vjeçari, u shpall fajtor për tre akuza për pornografi të fëmijëve dhe tre akuza për joshje të fëmijëve.

Por juria e liroi atë për nga akuza për konspiracion që pretendonte se ai manipuloi gjyqin e tij të mëparshëm.

Juria gjithashtu e shpalli atë të pafajshëm për tre akuza për komplot për marrjen e pornografisë së fëmijëve, si dhe dy akuza të tjera joshjeje.

Juristët diskutuan për rreth 11 orë, duke filluar të martën pasdite (13 shtator), përpara se të ktheheshin me një vendim fajësie për gjashtë nga 13 akuzat me të cilat Kelly ishte përballur, duke përfshirë tre akuza për pornografi për fëmije.

Ne Çikago, një dënim për vetëm një akuzë të tillë mbart një dënim minimal të detyrueshëm prej pesë deri në 10 vjet.

Ai vjen në krye të një dënimi me 30 vjet burg të dhënë këngëtarit te “I Believe I Can Fly” në qershor, pasi ai u shpall fajtor për trafikim seksual dhe shantazh në nië çështje te veçantë federale në Brooklyn.

Provat kundër Kellyt përfshinin video grafike të fituesit te “Grammy” duke abuzuar me vajzën e tij adoleshente e cila dha dëshmi kundër tij.