Shpërthim i fuqishëm në Tiranë, nuk raportohet për të lënduar

Një shpërthim i fuqishëm raportohet të ketë ndodhur në kryeqytetin e Shqipërisë, në Tiranë mbrëmjen e së hënës.

Policia është njoftuar për këtë informacion, por ende nuk ka një adresë fikse, por dihet vetëm se zhurma është dëgjuar në zonën e Myslym Shyrtit.

Gazetarja e Top Channel, Dorjana Bezat bën me dije se nga informacion e para mësohet se shpërthimi ka ndodhur ngjitur me fushat e tenisit, në një kantier në ndërtim.

Policia sqaron se është dëgjuar një shpërthim, i ngjashëm me lëndët plasëse ose lëndët piroteknike dhe dyshohet se si pasojë nuk ka dëme materiale dhe as të lënduar.

Grupi hetimor ndodhet në vendngjarje dhe po vazhdon punën për sqarimin e mëtejshëm të rrethanave të ngjarjes.