“Shpërthimi i Ebola-s në Kongo vërtet i frikshëm”

Kreu i një bamirëse të madhe kërkimore mjekësore e ka quajtur shpërthimin e fundit të Ebola-s në Afrikën Qendrore “me të vërtetë të frikshme”.

Afër 1,400 njerëz kanë vdekur në Republikën Demokratike të Kongos.

Jeremy Farrar, drejtor i Wellcome Trust, tha se epidemia ishte më e keqja që nga viti 2013-16 dhe se nuk ka treguar “asnjë shenjë ndalimi”.

Një djalë pesëvjeçar gjithashtu ka vdekur në Ugandën fqine, rasti i parë i Ebola-s i raportuar në vend.

Qeveria e Ugandës tani po raporton për shtatë raste të tjera të dyshuara të virusit.

Në një deklaratë,  Farrar tha se përhapja ishte “tragjike, por fatkeqësisht nuk ishte befasuese”.

Ai paralajmëroi se priten më shumë raste dhe një përgjigje “e plotë” kombëtare dhe ndërkombëtare do të duhej për të mbrojtur jetët e njerëzve.

“Republika Demokratike e Kongos nuk duhet të përballet vetëm me këtë”, tha ai.