Shqipëri, hapen qendrat e votimit për zgjedhjen e kryetarëve të bashkive

Në Shqipëri sot mbahen zgjedhjet lokalet ku rreth 140 kandidatë do të synojnë të marrin drejtimin e 61 bashkive në tërë Shqipërinë.

Klan Kosova ka dërguar ekip për t’i përcjellë nga afër këto zgjedhje dhe gazetarja Qendresa Tershani nga atje njofton se qendrat e votimit tashmë janë hapur.

Në këto zgjedhje vendore, sipas të dhënave të Komisionit Qendror të Zgjedhjeve, 3.650.550 shtetas shqiptarë kanë të drejtën e votës, ndërsa 122.545 zgjedhës votojnë për herë të parë. Në 61 bashki të vendit do të jenë të hapura 5.211 qendra votimi nga ora 07:00-20:00.