Shqipja bën shqiponjën me duar në SHBA
Shqipe Hysenaj ka zgjedhur Shtetet e Bashkuara të Amerikës si destinacionin e saj për pushime, ku po shoqërohet nga vëllai i saj.
Vizita në SHBA nuk është rastësore, pasi Shqipja ka lidhje familjare me një nga figurat më të njohura të komunitetit shqiptar në diasporë – Elez Biberajn, ish-drejtor i Zërit të Amerikës dhe një personalitet i rëndësishëm për shqiptarët jashtë vendit.
Gjatë qëndrimit të saj atje, ajo ka ndarë me ndjekësit në Instagram një video të veçantë, ku shfaqet në shoqërinë e një djali me ngjyrë, teksa të dy bëjnë simbolin e shqiponjës me duar – një gjest i njohur i krenarisë kombëtare.
Postimi ka marrë vëmendje dhe reagime pozitive nga ndjekësit, duke vlerësuar mesazhin që Shqipja përcjell: pavarësisht se ku jeton apo udhëton, krenaria për të qenë shqiptare mbetet gjithmonë në zemër.
Ajo vazhdon të jetë një zë pozitiv për komunitetin dhe një shembull i lidhjes me rrënjët, duke treguar se identiteti nuk humbet, por forcohet edhe më shumë kur je larg vendit.
