Shtëpia e Bardhë shpreh shqetësim për raportimet se Izraeli ka përdorur fosfor të bardhë në sulmin në Liban

Shtetet e Bashkuara janë të shqetësuara rreth raporteve që Izraeli përdori municione me fosfor të bardhë të furnizuar nga SHBA në një sulm në tetor në Libanin jugor, tha të hënën zëdhënësi i Shtëpisë së Bardhë, John Kirby.

“Ne i kemi parë raportet. Sigurisht që jemi të shqetësuar për këtë. Ne do të bëjmë pyetje për t’u përpjekur të mësojmë pak më shumë,” u tha Kirby gazetarëve në Air Force One.

Kirby tha se fosfori i bardhë ka një “dobi të ligjshme ushtarake” për ndriçimin dhe prodhimin e tymit për të fshehur lëvizjet.