Shtëpitë e së ardhmes? Ndërtohen banesat të printuara 3D në Itali
Kjo ide është paraqitur nga arkitekti Mario Cucinella, i cili shpreson se teknologjia më e fundit e ndërtimit mund të ndihmojë njerëzit e pastrehë dhe ata që janë përballur me fatkeqësi natyrore.
Duken si qytetërimet e lashta por në fakt bëhet fjalë për shtëpitë e para të eko-qëndrueshme në botë, të printuara 3D në Itali.
Të quajtura TECLA, janë një kombinim i teknologjisë dhe argjilës.
“Ne na pëlqen të mendojmë se TECLA është fillimi i një historie të re. Do të ishte vërtet e jashtëzakonshme të formësoje të ardhmen duke e transformuar këtë material të lashtë me teknologjitë që kemi sot në dispozicion” tha ai.
Grupi i parë i shtëpive janë ndërtuar në Massa Lombarda, afër Ravenës në Itali, duke përdorur printera të shumtë 3D që funksionojnë njëkohësisht. Ata mund të krijohen në vetëm 200 orë printim. Prototipi, i cili kishte një sipërfaqe prej 645 këmbë katrore, u ndërtua në shtresa pa pasur nevojë për skela.
Brenda ka hapësirë për dhomën e ndenjes, banjën dhe dhomën e gjumit, ndërsa ka edhe orendi të pajisura si tavolina dhe karrige që janë krijuar gjithashtu duke përdorur një printer 3D.
