Shteti nuk i kursen Kurtin dhe Çitakun, gjobiten restorantet ku ata mbajtën tubime në Kaçanik!

Kryeministri i Republikës, respektivisht lideri i Lëvizjes “Vetëvendosje”, Albin Kurti dhe nënkryetarja e PDK-së, Vlora Çitaku kanë mbajtur mbrëmë tubime në qytetin e Kaçanikut.

Mirëpo, në këto dy tubime elektorale kishte shkelje të rregullave të masave të pandemisë.

Kësisoj, Indeksonline mëson se Inspektorët kanë gjobitur me nga 200 euro dy bizneset (lokalet), restorant “Mani”-n dhe “Art”-in.

Kujtojmë se Kurti ishte në përkrahje të kandidatit të partisë së tij, Jeton Rakës.

Kurse, Çitaku u mirëprit nga simpatizantët e PDK-së të Kaçanikut, konkretisht kryetarit të saj, Besim Ilazi.

Vlen të theksohet se PDK-ja në zgjedhjet e 17 tetorit doli e para me 6.994 vota (44.86%) kurse VV-ja e dyta me 5.171 (33.17%). /Indeksonline/