Shtohen kufizimet për kalimin e kamionëve të mallrave në kufi me Kosovën dhe Shqipërinë
![](https://indeksonline.net/wp-content/uploads/2024/06/Foto-nga-Top-Channel.jpg)
Mjetet e transportit të mallrave do të jenë më të kufizuara për të lëvizur gjatë fundjavës drejt Kosovës dhe Shqipërisë.
Udhëzimi i përbashkët mes dy vendeve për kufizimin e lëvizjes gjatë fundjavës ka ndryshuar. Nëse të shtunën lejohej lëvizja e kamionëve nga ora 12:00 deri në orën 16:00, tani nuk do të lejohet në asnjë orë të ditës, raporton TopChannel.
Konkretisht, të premten ndalohet lëvizja në periudhën kohore 15:00-24:00.
Të shtunën dhe të dielën, duke filluar nga ora 07:00 deri në orën 24:00. Udhëzimi i ri hyn në fuqi nga kjo fundjavë.