Shtrenjtimi i energjisë elektrike/ Protestohet sërish para ZRRE-së

Sikurse dje, edhe mëngjesin e sotëm aktivistët e grupit ‘’Asnji cent ma shumë’’ po protestojnë para zyrave të ZRRE-së, kundër shtrenjtimit të çmimit të energjisë elektrike.

Protesta e djeshme ishte mbajtur pikërisht para derës së brendshme të ZRRE-së, ndërkaq sot po protestohet jashtë saj.

Te dera e ZRRE-së, ndërkohë, janë pozicionuar disa zyrtarë policorë, të cilët janë të angazhuar për t’u përkujdesur për mbarëvajtjen e protestës.

Protesta e sotme ishte paralajmëruar dje, përmes një postimi në rrjetin social në Facebook.

Pikërisht dje, protestuesit e paktë në numër janë arrestuar nga policia, me arsyetimin se protesta nuk ishte paralajmëruar.

Kujtojmë se të shtunën e 5 prillit, duke filluar nga ora 15:00, pritet të organizohet nkjë protestë kundër shtrenjtimit të çmimit të energjisë elektrike./Indeksonline/