Albanian
English
Serbian
TurkishShtyhet deri më 31 tetor afati për aplikuesit për Listën e Barnave Esenciale
Është shtyrë afati për aplikuesit për Listën e Barnave Esenciale për dy javë.
Komiteti teknik për revidimin e LBE ka shtyrë periudhën e aplikimit deri më 31 tetor për të lehtësuar bashkëveprimin ndërmjet ndërmjet aplikantëve dhe Sekretarisë së Komitetit, për të siguruar që aplikacionet adresojnë në mënyrë adekuate elementet kritike për përzgjedhjen: rëndësinë e shëndetit publik, efikasitetin klinik dhe sigurinë e barit të propozuar.
“Në punëtorinë tre ditore të mbajtur në Prishtinë nga Komiteti teknik për revidimin e Listës së Barnave Esenciale, me asistencën edhe të ekspertëve të OBSh-së, Komiteti teknik, duke marrë paraysh kërkesën e subjekteve të ndryshme farmaceutike, vendosi që afati për aplikimet për përfshirjen e barnave të reja dhe ndryshimet ose fshirjen e barnave aktualisht të listuara, në Modelin e listës të 2018 të shtyhet deri me datë 31 tetor 2018.
Periudha e aplikimit është shtyrë për dy javë për të lehtësuar bashkëveprimin ndërmjet aplikantëve dhe Sekretarisë së Komitetit teknik për revidimin e LBE, për të siguruar që aplikacionet adresojnë në mënyrë adekuate elementet kritike për përzgjedhjen: rëndësinë e shëndetit publik, efikasitetin klinik dhe sigurinë e barit të propozuar.
Çdo aplikim duhet të shoqërohet me një formular të kompletuar të Përmbledhjes së Informacionit të Aplikacionit, të publikuar në ueb faqen e MSH-së: msh.rks-gov.net, në rubrikën Revidimi i Listës së Barnave Esenciale.
https://msh.rks-gov.net/
Aplikacionet mund të të dërgohen me e-mail në Sekretarinë e Komitetit teknik të Listës së Barnave Esenciale të MSh në e-mail: msh.info@rks-gov.net si dhe ne Sekretarinë e Komitetit përmes protokollit të MSh-së në kopje fizike në formatet PDF dhe Ëord, pra deri më 31 tetor 2018, ndërsa Komiteti teknik është në finalizim të një forme (template) standarde, e cila do t’u lehtësojë aplikantëve formën e aplikimit”, thuhet në komunikatën e Ministrisë së Shëndetësisë.
