Shumë gola e pa fitues në ndeshjen në mes të Gjermanisë dhe Zvicrës

Gjermania dhe Zvicra kanë luajtur baraz në ndeshjen e rundit të katërt të Ligës së Kombeve.

Skuadra e Low barazoi me rezultat 3-3 kundër asaj të Petkovic edhe pse ishte dy herë në disavantazh.

Zviceranët kaluan në epërsi të dyfishtë që në fillim të ndeshjes.

Gavranovic shënoi golin e parë në ndeshje në minutën e pestë të ndeshjes, shkruan Indeksonline.

Rezultatin e dyfishoi Freuler në minutën e 26-të.

Golin e parë për gjermanët e shënoi Werner në minutën e 28-të të ndeshjes.

Në pjesën e dytë Gjermania barazoi rezultatin në minutën e 55-të me annë të Havertz.

Zvicra kaloi edhe një herë në epërsi dy minuta më vonë me anë të Gavranovic.

Por golin e fundit dhe të barazimit për Gjermaninë e shënoi Gnabry me një lëvizje mjaftë të bukur.

Me këtë barazim, Gjermania tashmë ka 6 pikë në vendin e dytë derisa Zvicra mbetet e fundit me 2 pikë. /IndeksOnline/