Si boronicat ndihmojnë për të vrarë qelizat e kancerit
Boronicat ndonjëherë quhen “superushqim”, dhe për arsye të mirë; ato janë të mbushura plot me antioksidantë që ofrojnë një pasuri shëndetësore. Tani, një studim i ri ka zbuluar një përdorim tjetër për këto manaferra të vogla: ato ndihmojnë për të trajtuar kancerin.
Ekstrakti i boronicës mund të ndihmojë në luftën kundër kancerit, thonë studiuesit.
Duke studiuar linjat qelizore të kancerit të qafës së mitrës, një ekip studiues zbuloi se shtimi i ekstraktit të boronicës në terapinë e rrezatimit mund të përmirësojë ndjeshëm efikasitetin e trajtimit, transmeton Indeksonline.
Sipas Shoqatës Amerikane të Kancerit (ACS), rreth 12,820 raste të reja të kancerit të qafës së mitrës do të diagnostikohen në Shtetet e Bashkuara këtë vit dhe më shumë se 4,200 gra pritet të vdesin nga kjo sëmundje.
Terapia e rrezatimit mbetet një trajtim primar për kancerin e qafës së mitrës. Ai përfshin përdorimin e rrezatimit me energji të lartë për të shkatërruar qelizat e kancerit.
“Për disa lloje kanceri, siç është kanceri i qafës së mitrës në fazën e vonshme, rrezatimi është një opsion i mirë trajtimi”, thotë Dr. Fang. “Megjithatë, ndodh gjithmonë dëmtimi kolateral i qelizave të shëndetshme.”
Për studimin e tyre, studiuesit vendosën të përcaktojnë se a mund të përdoret ekstrakti i boronicës si një radiosensitizer, i cili është një përbërës që i bën qelizat e kancerit më të prekshme ndaj terapisë rrezatuese.
Studiuesit vënë në dukje se boronica mund të ketë efekt shumë pozitiv në trajtimin e kancerit./Indeksonline/