Si ia humbi VAR-i 29 mijë euro këtij personi në bastore?

Një tifoz nga Readingu ishte shumë afër që të fitonte 29 mijë euro.

Ai kishte parashikuar rezultatet e sakta për 5 ndeshje, 4 prej të cilave i qëlloi.

Megjithatë për ironi të fatit ishte teknologjia VAR, ajo që ia humbi mundësinë për të fituar këtë shumë të madhe parash.

Ndeshjen Brighton – Everton e kishte parashikuar me rezultat 1:2 dhe deri në minutën e 80-të ishte ky rezultat.

Në at moment gjyqtarët e VAR-it pasi e shikuan rastin nga 14 kamera të ndryshme vendosën t’i jepnin penallti Brightonit, të cilën e konvertoi në gol Neil Maupay.

Ndeshjet e tjera që i kishte parashikuar me rezultat të saktë janë si vijon:

Swansea 1-0 Cardiff

Rangers 2-1 Motherwell

Arsenal 2-2 Crystal Palace

Liverpool 2-1 Tottenham.

/Indeksonline/