Si mund ta ndryshojë shëndetin botëror vaksina e malaries?

“Në çdo shtëpi kishte tre ose katër pacientë të cilët u ankuan nga të ftohtit, dhimbje të mëdha koke, djersitje, dhimbje në shpinë dhe gjymtyrë. Dhimbja e tyre u bë e padurueshme për shumë pacientë të cilët më pas shfaqën një kllapi të ngatërruar me koma, duke e gjetur vdekjen në fund”.

“Shumica ishin midis moshës pesë dhe 20 vjeçar. Meqenëse ata janë shumë larg nga klinika më e thjeshtë, që do të thotë se nuk ka mundësi për të shpëtuar jetën e tyre, ata po vdesin si bletë në një koshere të tymosur”
Ky është një ekstrakt nga një raport i vitit 1958 i epidemisë së malaries në Etiopi që vrau rreth 150,000 njerëzit në një stinë të vetme, por mund të ketë qenë nga ditët e fundit të Perandorisë Romake, rënia e të cilave i është atribuuar sëmundjes, Egjiptit të lashtë ose Indisë në shekullin e 19-të, ose në të vërtetë, shumicës së botës së banuar në histori.

Sot, gati gjysma e popullsisë së botës është në rrezik nga malaria – ajo vret më shumë se 400,000 njerëz në vit, shumica e tyre në Afrikë, ku një fëmijë vdes çdo dy minuta nga kjo sëmundje.

Por tani shpresat janë ngritur për t’i dhënë fund kësaj sëmundjeje: vaksina e parë e malaries po përgatitet në programet e imunizimit në Malavi, Ganë dhe Kenia, shkruan BBC, transmeton Klan Kosova.

Vaksina e re është zhvilluar nga (GlaxoSmithKline) me mbështetjen e Fondacionit Bill & Melinda Gates dhe të tjerë duke përfshirë Organizatën Botërore të Shëndetësisë (ËHO) dhe Gavi, aleancën globale të vaksinave. U deshën 32 vjet kërkime të cilat kushtonin më shumë se 700 milionë dollarë.

Provat tregojnë se ajo është vetëm 40% efektive në parandalimin e sëmundjes gjatë katër vjetëve, e megjithatë, kjo mund të jetë fitorja më e rëndësishme në luftën tonë me malarienë për disa dekada, duke parandaluar mijëra vdekje dhe duke zvogëluar barrën e madhe sociale dhe ekonomike që vjen me përjetimin ose kujdesin për dikë me sëmundje kronike.