Si të reagosh kur ai/ajo të thotë që je bërë shumë i/e ‘ngjitur’

Çfarë ndjesie e keqe që është kur ti do vëmendje dhe ai/ajo, ndryshe nga ç’prisje, të thotë që po bëhesh njeri i bezdisur dhe shumë i ngjitur. Pavarësisht se qëllimet e tua janë të mira, ndoshta partneri/ja nuk është njeri kaq i afrueshëm dhe i dhënë sepse ashtu ka tipin dhe kjo s’do të thotë që nuk të do. Sigurisht që ti do që të kalosh më tepër kohë me atë, ta takosh gjatë gjithë kohës nëse nuk jetoni bashkë, por secili duhet të jetojë fillimisht jetën e tij dhe të gjeni gjithmonë diçka të përbashkët.

“Dakord, por si mund ta rregullojmë këtë gjë te vetja?”

• Largo telefonin për pak kohë dhe bëje këtë gjë shpesh

Ndodh që mund të jeni mësuar ta kontaktoni vazhdimisht me partnerin gjatë gjithë ditës, qoftë me tekst, duke e marrë në telefon ose duke i dërguar foto, artikuj, meme dhe në vend që t’i jepni hapësirën ??që të jetë në gjendje të përqendrohet në çështje të tjera, të marrë përsipër ditën dhe të kryejë punët e tij, ti mund ta shpërqëndrosh ose ta bezdisësh (e vërteta e hidhur). Kjo mund të ndryshojë nëse në momentin që ndjen nevojën e madhe për t’i shkruar si gjithmonë, shkruaji më mirë një mikesheje, shih ndonjë video që të harrosh pak atë ndjesinë e përhershme me të cilën je mësuar ta kontaktosh vazhdimisht. Kështu, ai/ajo do fillojë të ta ndjejë mungesën dhe do të të shkruajë vetë sapo të gjejë kohën e lirë.

• Ndiq pasionet e tua

Të jesh personi që kërkon gjithmonë vëmendje në një marrëdhënie shpesh mund të jetë si pasojë e mungesës së jetës përtej asaj lidhjeje. Përpiqu të kesh jetën personale fillimisht, larg partnerit dhe bëni pasionet prioritet. Nuk është nevoja të kalosh çdo moment me të, secili nga ju duhet të ketë një jetë edhe jashtë marrëdhënies, prandaj sigurohuni që të gjeni çfarë ju pëlqen, ta bëni individualisht ose me të tjerë (përveç partnerit), pasi kjo do t’ju bëjë më të pavarur, interesant dhe më tërheqës. Duhet të investosh fillimisht në veten tënde, formimin dhe kënaqësitë.

• Jepi hapësirë

Edhe pse nuk të pëlqen kur ai/ajo bën gjëra pa të përfshirë ty, qoftë për të ngrënë darkë me miqtë, për të dalë në një lokal apo për të parë një film. Megjithatë, është shumë e rëndësishme për suksesin dhe vazhdimësinë e marrëdhënies që personi juaj i zemrës të jetë në gjendje të bëjë dhe të shijojë gjërat pa ty, pasi janë aspektet unike të personalitetit dhe bashkë formoni një ekip me veçoritë e secilit.

• Rrit vetëbesimin

Në shumë raste, kjo sjellje rrjedh nga një ide e gabuar se ke gjithmonë nevojë për dikë dhe nuk mund të bësh asgjë vëtë pa mbështetje dhe ndihmë. Duhet të mësohesh të qëndrosh vetëm, të bësh aktivitete vetëm, një shëtitje, një kafe mjafton dhe kështu fillon të bëhesh miku më i mirë i vetes. Ideja se nuk mund të bësh dot pa njeriun e zemrës, vjen gjithashtu nga frika se mos e humbet atë, se mos njeh dikë tjetër. Nëse punon drejt përmirësimit të vetëbesimit dhe vetëvlerësimit do ta kuptosh se personi më i rëndësishëm në jetën tënde, je ti. Çdokush do tërhiqej nga një vajzë/djalë me vetëbesim, që di çfarë do.