08:24 / E Diele, 18 Tetor 2020

Si t’i bëjmë vithet që duam, pa shkuar në palestër

Vithet e ëndrrave i shihni çdo ditë në Instagram dhe nga shtrati i rehatshëm i kërkoni me ngulm. E dini që ashtu s’do të vijnë kurrë apo jo? Ose dhe mundet, por nëse fillimisht çoheni dhe gjeni një tjetër hapësirë brenda shtëpisë tuaj. Nëse ndjeni që palestrat s’janë ide e mirë ende, filloni ushtrohuni nga shtëpia. Mjafton të ndiqni këshillat më poshtë:

Nëse doni masë muskulare

Janë të rëndësishme ushtrimet që kryhen me pesha dhe me lëvizje të ngadalta. Këto ushtrime bëhen nga 4 seri me nga 1012 përsëritje. Koha e pushimit është 50 sekonda nga seria në seri dhe 1 minutë e 20 sekonda nga ushtrimi në ushtrim. Për këtë program, këshillohet të bëhen 8 ushtrime, 3 herë në javë. 

Për djegie dhe tonifikim

Shërbejnë ushtrimet që kryhen me lëvizje të shpejta dhe pa pesha. Këto ushtrime bëhen nga 1 seri me 32-40 përsëritje për secilin ushtrim. Nuk ka fare pushim. Këshillohet që të bëhen shumë lloje ushtrimesh, të paktën 10-12 të ndryshme për këtë rezultat. Ushtrimet për tonifikim dhe djegie, këshillohet të bëhen përditë. 

– Ushtrimi 1

Të ulur me gjunjët dhe duart e mbështetura në tokë, krijojmë një pozicion 90 gradë bust-këmbë. E hapim këmbën e majtë anash të shtrirë, me majën e tendosur. Koka mbahet drejt e jo poshtë dhe shpina drejt. Në këtë pozicion, fillojmë ushtrimin duke e ngritur dhe e ulur këmbën në atë pozicion të shtrirë. Një seri nga 20 herë. 

-Ushtrimi 2

Po në të njëjtin pozicion si në ushtrimin e parë, e kalojmë këmbën mbrapa; jo të shtrirë, por gjurin pak të përthyer nga brenda. Në këtë pozicion, vazhdojmë ulje-ngritje me këmbë, por jo deri në maksimumin tonë. Bëjmë 1 seri me 20 përsëritje. 

-Ushtrimi 3

Në po këtë qëndrim, këmbën që kishim mbrapa në ushtrimin e mësipërm, këtë herë e shtrimë, por jo të vendosur në tokë. Ajo qëndron e ngritur lart, pa kaluar lartësinë e kokës sonë. Pasi kemi marrë pozicionin, këmbën e mbledhim 90 gradë anash dhe e çojmë përsëri në pozicionin fillestar, duke ekzekutuar 1 seri nga 20 përsëritje. 

-Ushtrimi 4

Pa e ndërruar këmbën që punuam, e zhvendosim majtas nëse po punojmë me këmbën e djathtë, ose djathtas nëse po punojmë me të majtën. Këmba është e mbështetur në tokë, me majën e tendosur. Ushtrimi vazhdon duke e ngritur këmbën anash për lart, duke kaluar pak lartësinë e kokës tonë. E përsërisim 1 seri nga 20 herë.