Si u formua grupi i parë që u stërvit për luftë në Shqipëri dhe kush ishin 52 ushtarët pjesëmarrës?

Ish i burgosuri politik, Ylber Topalli, i cili poashtu ishte pjesë e grupit të parë që është stërvitur për luftë guerile në Shqipëri, i ftuar në emisionin n’Demos, ka rrëfyer në detaje se si është formuar grupi në fjalë.

Ai bëri të ditur se grupi i parë i armatosur kishte filluar stërvitjet në Shqipëri më datën 1 tetor të vitit 1991, të cilat zgjatën deri më 30 tetor të po atij viti.

Kanë ushtruar përgjatë periudhës 1 tetor – 30 tetor të vitit ‘91, në një kazermë ushtarake të destinuar për këtë grup, për diversantë ushtarakë, dhe pas këtij grupi me tu kthyer është caktuar edhe grupi i dytë, i njohur si grupi i Adem Jasharit, i cili ka shkuar kah nëntori i vitit 91’ dhe ka përfunduar stërvitjet pak para vitit të ri, ku edhe kthehen në vendlindje”, u shpreh Topalli.

Tutje ai tregoi edhe për mënyrën e përzgjedhjes së ushtarëve që do të bëheshin pjesë e grupit.

“Përzgjedhja është bërë duke identifikuar familjet me një taban patriotik që kanë pasë, dhe duke identifikuar të rinjët e atyre familjeve të cilët janë identifikuar dhe iu është propozuar të shkojnë”,potencoi Topalli në emisionin n’Demos.

Sipas ish të burgosurit politik, grupi në fjalë përbëhej nga gjithsej 52 ushtarë të vendeve të ndryshme të Kosovës dhe disa nga Shkupi, ku mes tyre ishin edhe Zahir Pajaziti e Sali Çekaj.

Mirëpo përveç Topallit, Pajazitit e Çekajt, kush ishin 49 ushtarët tjerë të grupit të parë që u stërvit në Shqipëri?

Ylber Topalli numëron në emisionin n’Demos emrat dhe mbiemrat e të 52 ushtarëve që ishin pjesë e këtij grupi, të cilët GazetaDemos i liston në vazhdim.

Emrat dhe mbiemrat e 52 ushtarëve të grupit të parë që u stërvit për luftë guerile në Shqipëri:

1. Zahir Pajaziti
2. Sali Çekaj
3. Ahmet Hoxhaj
4. Bashkim Leci
5. Zymer Lulaj
6. Kadri Gobetini
7. Ismet Çerkini
8. Artan Gjini
9. Arsim Hamiti
10. Fatmir Racaj
11. Ibush Metushi
12. Agron Tusha
13. Fatmir Fejzullahu
14. Hysni Mehmeti
15. Afrim Zena
16. Hisen Agushi
17. Vehbi Zeqiri
18. Besim Shehu
19. Ramiz Ramadani
20. Halil Halili
21. Roshan Teneçja
22. Ahmet Zeqiri
23. Rexhep Luma
24. Minush Luma
25. Sadet Osmani
26. Ramadan Pajaziti
27. Sejdi Syla
28. Milazim Miftari
29. Shaip Haziri
30. Fadil Begu
31. Mefail Vishi
32. Shemsedin Sylejmani
33. Milaim Gërbeshi
34. Rexhep Ilazi
35. Islom Visoka
36. Ilmi Topalli
37. Ylber Topalli
38. Xhevat Qerimi
39. Bashkim Thaçi
40. Bajram Kadriu
41. Shefqet Brajshori
42. Shemsi Krasniqi
43. Remzi Mehmeti
44. Selami Hasani
45. Agim Demnika
46. Ekrem Metushi
47. Sami Hasani
48. Sami Vishi
49. Azbi Veliu
50. Ali Guri
51. Musa Shabani
52. Ajet Shala