Sindikata e UP-së kërkon të merren parasysh kërkesat e tyre në ligjin për pagat

Sindikata e Universitetit të Prishtinës “ Hasan Prishtina” ka  mbajtur një  takim informues me anëtaret e vet të  cilët  gjendën në grevë qe  nga data 14 janar.

Sindikata e Universitetit të Prishtinës si pjesë e organizimit  sindikal, ka  ftuar Kryesinë e SBASHK-ut  lidhur  me realizimin e kërkesave, mirëpo, në takim nuk kanë marrë pjesë përfaqësuesit e SBASHK-ut.

Sindikata e UP-së u ka bërë thirrje të gjithë mekanizmave vendimmarrës në që ligjin për paga të marrë parasysh kërkesat e tyre.

“Si Sindikatë e Universitetit te Prishtinës, ju bëjmë thirrje të gjithë mekanizmave vendimmarrës qe Ligji  i Pagave që pritet  të dalë në Kuvend me 31/01/2019 ti merr me seriozitet shqetësimet e dy kategorive të te punësuarve ne Universitetin e Prishtinës, stafit akademik dhe administrativ për rritje  të koeficientit për 30%.  Gjithashtu i  bëjmë thirrje të gjitha institucione duke filluar nga Menaxhmenti  i lartë i UP-së, Ministria e  Administratës Publike, dhe Komisionit Parlamentar për Administratë Publike, Qeverisje Lokale dhe Media, qe para se ky ligj te kaloj në kuvend për miratim, të qartësohet pozicioni i zyrtarëve të Administratës së Universitetit te Prishtinës, në kategorizimin e koeficienteve brenda këtij ligji”, thuhet në komunikatë.

Derisa, theksojnë se do ta vazhdojnë grevën deri në realizimin e kërkesave të tyre./Indeksonline/