Sirenat e alarmit bien në gjithë Ukrainën, breshëri raketash nga Rusia
Rusia ka sulmuar rajonet e Ukrainës me një breshëri raketash nga ajri më 8 janar, duke plagosur tetë njerëz dhe duke shkaktuar dëme në infrastrukturën civile dhe objektet ekonomike, thanë zyrtarët ukrainas.
Ushtria ukrainase tha se në shumicën e vendit, përfshirë në kryeqytet Kiev, janë lëshuar sirena për sulme ajrore. Kanalet vazhduese ukrainase thanë se rreth dhjetëra bombardues strategjikë rusë shkrepën raketa lundruese, përfshirë raketa hipersonike të llojit “Kinzhal”.
Images of the rescue of a man from under the rubble in the city of Zmiiv, Kharkiv region
— NEXTA (@nexta_tv) January 8, 2024
A total of 2 people were rescued by the State Emergency Service. pic.twitter.com/pNi44MwVZb
U raportua për shpërthime të shumta në rajonet si, Harkiv, Dnipro, Kriv Rih, Hmelnitski dhe Zaporizhja.
“Mëngjesi nis me një shpërthim në qytet”, tha Ihor Terekhov, kryetar i Harkivit, qytetit të dytë më të madh në Ukrainë, duke iu bërë thirrje qytetarëve të strehohen.
Guvernatori rajonal i Harkivit, Oleh Synyehubov, tha se qyteti u godit nga të paktën katër raketa, të cilat e dëmtuan një ndërmarrje industriale dhe një institucion arsimor. Dy njerëz u plagosën dhe dy të tjerë kanë ngecur nën rrënoja, tha ai.
Guvernatori Yuriy Malashko raportoi për pesë shpërthime në Zaporizhja, dhe shtoi se së paku dy njerëz u plagosën si pasojë e sulmeve të cilat gjithashtu i dëmtuan zonat e banimit.
Missile strikes on Ukraine
— NEXTA (@nexta_tv) January 8, 2024
On the night of January 8, Russian forces fired a series of missiles at Ukrainian territory. According to the Ukrainian Air Force, Russia again launched one or more high-speed "Kinzhal" aeroballistic missiles. The media reported explosions in Dnipro… pic.twitter.com/lrmQIIEIKX
