Skandal/ Fusha e skuadrës franceze është dëmtuar me acid

Autorë të panjohur kanë arritur të hyjnë në stadiumin e klubit futbollistik Lens dhe të dëmtojnë fushën. Dy ditë para ndeshjes mes Lens dhe Lille ata lyen barin me acid.

Incidenti u raportua vetëm një ditë pasi Lens mposhti Arsenalin 2-1 në Champions League.

Natyrisht, dyshimi ra menjëherë mbi tifozët e Lille, të cilët kanë një rivalitet prej 10 vitesh me mbështetësit e Lens.

Duket qartë se “ndërhyrësit” kanë shfrytëzuar momentin e festës së madhe dhe të mosvëmendjes së të gjithëve në klub, kanë pritur momentin dhe kanë vënë në jetë planin e tyre, ndërsa në të njëjtën kohë i kanë dërguar mesazh “rivalit të përjetshëm” para ndeshjes së sotme.

Se përgjegjësit për këtë pushtim ishin tifozët e Lille-s, dëshmohet nga ngjitësit anti-hans që ata ngjitën në disa vende të stadiumit.

Lens në bashkëpunim me policinë kanë ndërmarrë me shpejtësi veprimet për zbulimin dhe ndëshkimin e autorëve, ndërsa për sa i përket fushës do të jetë gati për derbin e së dielës.