Smajl Latifi kërkon nga punonjësit e administratës të ulin shpenzimet e energjisë elektrike
Kryetari i Komunës së Rahovecit, Smajl Latifi ka mbajtur sot takim me punonjësit e administratës nga të cilët ka kërkuar që përveç që të respektojnë orarin e punës të ulin sa më shumë shpenzimet e energjisë elektrike dhe të përdorin sa më përgjegjshëm lëndët djegëse.
Postimi i Latifit:
Sot, në sallën e Kuvendit Komunal, në shoqërimin e drejtorëve të drejtorive, mbajta takimin e rregullt periodik me punonjësit e administratës.
Kërkova prej tyre të respektojnë orarin e punës, dhe meqë dimri është në prag, të mundohemi bashkërisht, t’i ulim sa më shumë shpenzimet e energjisë elektrike si dhe t’i përdorim sa më përgjegjshëm lëndët djegëse.
Në fund, falënderova punonjësit për angazhimin e parezervë në ofrimin e shërbimeve cilësore komunale, por, gjithmonë duke synuar që të bëjmë më të mirën e mundshme.