Sommer pritet të largohet nga Interi në fund të sezonit

Aventura e Yann Sommer te Nerazzurrët po shkon drejt fundit.

Portieri zviceran pritet të largohet nga Interi si transferim i lirë në fund të sezonit, pasi klubi nuk ka gjasa të rinovojë kontratën e tij aktuale, e cila skadon dhe ka një vlerë prej 2.5 milionë eurosh në vit.

Një rikthim emocionues në atdhe po merr formë për portierin e lindur në vitin 1988. Sipas mediave zvicerane, Baseli është shumë i interesuar për ta rikthyer Sommerin, duke e parë atë si pasuesin ideal të Hitz.

Do të ishte një mbyllje simbolike e rrethit për Sommerin, i cili u formua te Rossoblutë, ku fitoi katër tituj kampioni, përpara se të transferohej në Bundesligë dhe më pas të linte gjurmë edhe në Serie A, duke u shpallur kampion me Interin dhe duke fituar yllin e dytë.

Deri më tani, Sommer ka regjistruar 120 paraqitje me fanellën zikaltër, duke qenë një nga figurat kyçe të suksesit të Interit në sezonet e fundit.