Sorensen takohet me Bomberger në Hagë, diskutojnë mbi analizat e ADN-së në çështjen e personave të zhdukur

Emisari special për dialogun Kosovë-Serbi, Peter Sorensen, ka zhvilluar një takim të rëndësishëm me drejtoreshën ekzekutive të Komisionit Ndërkombëtar për Personat e Zhdukur (ICMP), Kathryne Bomberger, në Hagë.

Përmes një postimi në rrjetet sociale, Sorensen e cilësoi takimin si shumë produktiv, duke vlerësuar punën e ICMP-së në analizat më të avancuara të ADN-së.

Ai theksoi rëndësinë e këtyre analizave në procesin e identifikimit të personave të zhdukur dhe gjetjes së zgjidhjeve për familjet që ende presin drejtësi.

“Takim interesant sot me Kat Bomberger në Komisionin për Personat e Zhdukur, në Hagë. Mora një pasqyrë shumë të mirë mbi punën e tyre në analizat më të avancuara të ADN-së, të cilat janë thelbësore për zgjidhjen e çështjeve që lidhen me personat e zhdukur”, shkroi Sorensen në rrjetin social X.

Interesting meeting with @KatBomberger at @TheICMP in The Hague today. Got a very good insight in their work on state-of-the-art DNA analysis crucial to resolving issues related to Missing Persons’ cases. pic.twitter.com/gQut0DkzEj

— EUSR for Belgrade-Pristina Dialogue (@EUSR_Dialogue) April 1, 2025