Sorensen vizitoi një pikë kufitare të përbashkët Kosovë-Serbi: Lëvizja e lirë gur themel i integrimit në BE

I dërguari i BE-së për dialogun Kosovë-Serbi, Peter Sorensen, bashkë me komandantin e KFOR-it, Enrico Barduani, vizitoi një pikë kufitare mes Kosovës dhe Serbisë.

Sorensen tha se është “mbresëlënëse të shohësh dhe të informohesh për pikat e përbashkëta të kalimit”, duke shtuar se ato duhet të rifillojnë punën pa vonesa.

 “Derisa është bërë shumë, ne duhet të rifillojmë punën e mbetur pa vonesë. Ka të bëjë me lejimin e njerëzve dhe mallrave që të lëvizin lirshëm – një gur themel i integrimit europian”, shkroi Sorensen në X.

Ai ka falënderuar edhe KFOR-in për mbështetjen logjistike.

Impressive to see and be briefed on the Common Crossing Points. While a lot has been done, we need to restart the remaining work without delay. It’s about allowing people and goods to move freely – a cornerstone of 🇪🇺 integration. Thanks to @NATO_KFOR for the logistics’ support! pic.twitter.com/SNwJBR7DNs

— EUSR for Belgrade-Pristina Dialogue (@EUSR_Dialogue) March 18, 2025