Sot nuk u punua në minierën e Trepçës, gjendja e minatorëve të lënduar është stabile

12 minatorë u lënduan dje, si pasojë e rrjedhjes së acidit sulfurik në horizontin e 11-të të minierës së Trepçës në Stan Tërg.

Dhjetë minatorë kanë pësuar lëndime lehta trupore, për të cilat morën tretman dhe më pas u liruan, ndërkaq dy të tjerë morën lëndime më të rënda.

Indeksonline raporton se puna në minierë sot nuk ka vijuar, me rekomandim të inspektoriatit, meqë era e acidit vazhdon të ndjehet akoma në minierë.

Dy të lënduarit janë duke u trajtuar në Klinikën e ORL-së në Spitalin e Mitrovicës.

Ekipi mjekësor i ditës ka konfirmuar për Indeksonline se të njëjtit janë në gjendje stabile dhe se po marrin terapitë në përkim me lëndimet që kanë marrë.

Ndiqni më poshtë reportazhin e përgatitur: