Sot varrimi i të moshuarit nga Istogu që u gjet i vdekur pas disa muajsh, familja del me njoftim
Familja e të moshuarit, Beqir Maloku, njofton se ceremonia e varrimit mbahet sot nga ora 16:00 në varrezat e fshatit Saradran të Istogut.
“Me dhimbje të thellë njoftojmë familjarët, miqtë dhe dashamirët se sot na u shuan shpresat per ta gjetur vellaun tone te dashur te gjalle, sot morrem lajmin e hidhur , me buz ne vaje me zemer te thyer ne moshen 69 vjeqare na la Beqir Shaqir Maloku nga fshati saradran komuna Istog. Varrimi bëhet neser, me 08-03-2026, në ora 16:00 në varrezat e fshatit saradran komuna Istog”, thuhet në njoftimin e familjes.
Kujtojmë që i moshuari ishte raportuar i zhdukur në polici nga gushti i vitit 2025, ndërsa është gjetur të shtunën pa shenja jete.
Në lidhje me rastin policia ka dhënë detaje në raportin e saj 24 orësh.
“PERSON I ZHDUKUR-I GJETUR, HETIM I VDEKJES Istog/ 17.08.2025 – 07:00. Më 07.03.2026 është raportuar nga familjarët e viktimës se ai është gjetur pa shenja jete. Në vendin e ngjarjes kanë dalë të gjitha njësitë përkatëse policore si dhe ekipi i IML –së të cilët me vendim të prokurorit kanë marrë trupin e pajetë për Obduksion”, thuhet në njoftimin e policisë. /IndeksOnlie/
