Spektakël në futbollin kosovar/ Tabela e Superligës dhe xhiro e ardhshme

Sot është mbyllur xhiroja e 31-të në Superligën e Kosovës në futboll.

Me katër super ndeshje të zhvilluara sot është mbyllur xhiro e 31-të në futbollin kosovar, shkruan IndeksOnline

Ballkani arriti fitore minimale 1 me 0 kundër Llapit, duke kryesuar kështu tabelën me 67 pikë.

Rezultat i befasishëm ishte ai në Pejë, ku Besa barazoi 1 me 1 me kampionin aktual, FC Drita.

Prishtina arriti fitore 3 me 1 në ‘Fadil Vokrri’ kundër Trepçës ’89.

Vetëm në një ndeshje s’pati gola dhe ajo ishte mes Gjilanit dhe Drenicës (0-0).

Me këto rezultate ka ndryshime të mëdha në tabelë.

Ballkani tani kryeson me 67 pikë, Prishtina në pozitën e dytë me 66 pikë dhe Drita në pozitën e tretë me 65 pikë.

Java e ardhshme do të jetë e ‘zjarrtë’ në futbollin kosovar.

Drita e pret në shtëpi Feronikelin, Arbëria luan ndaj Gjilanit dhe Llapi takohet me Prishtinën në derbin e javës.

Ndeshja interesante pritet të jetë ajo mes Drenicës dhe Ballkanit. Njëra skuadër lufton për mbijetesë, tjetra për titull.

JAVA 32 E shtune, 01.05.2021

Drita – Feronikeli

Trepça ’89 – Besa

Arbëria – Gjilani

E diel 02.05.2021

Llapi – Prishtina

Drenica – Ballkani

/IndeksOnline/