Spitali i Përgjithshëm i Pejës efikas në zbatimin e planit për digjitalizim
Plani për digjitalizim po zbatohet me sukses në Spitalin e Përgjithshëm në Pejë.
Për vitin 2019, ky spital si prioritet të vendosur kishte digjitalizimin e shërbimeve dhe Administratës.
Këtë ata e kanë arritur me sukses duke kryer detyrat e nevojshme.
Deri më tani është kryer shpërndarja e rrjetit të brendshëm LAN-it në tërë objektet e Spitalit të Përgjithshëm në Pejë.
-Tashmë është në zbatim një program për digjitalizimin e shërbimeve të Rëntgenit ku tani secili fotografim që bëjnë pacientët në kohë reale ju shkon direkt mjekëve me çfarë është shkurtuar koha e Diagnostikimit.
-Është zbatuar E-Depoja një aplikacion i cili mundëson regjistrimin e secilit furnizim dhe lëvizjet interne të secilit produkt.
-Kanë filluar procedurat për aplikimin e Access Control që mundëson regjistrimin elektronik të vijueshmërisë ardhje – vajtje në punë për të gjithë personelin.
-Deri në fund të vitit Spitali i Përgjithshëm në Pejë ka synim të zbaton digjitalizimin e të dhënave edhe nga CT-ja dhe Analizave Laboratorike që në momentin kur pacienti kryen këto shërbime, në kohë reale dërgohen tek personeli mjekësor dhe kështu tërë cikli i Diagnostikimit të pacientit përshpejtohet maksimalisht.
Gjatë vitit të ardhshëm janë disa synime të vazhdohet më tutje me digjitalizim dhe si fokus do të jenë shërbimet ndaj pacientëve.