Statuja e Majlindës po vjen në Kosovë, lokacioni s’është përcaktuar ende

Trajneri i mirënjohur kosovar, Driton Kuka, njoftoi se statuja e kampiones së parë dhe të vetme olimpike Majlinda Kelmendi është duke ardhur në Kosovë.

Problemi është se ende nuk është caktuar lokacioni nga Komuna e Prishtinës se ku do të vendoset kjo statujë.

“Statuja e Majlindës po vjen në Kosovë. Kërkesa e jonë nëpërmes Ministrisë… drejtuar Komunës së Prishtinës qysh në muajt e verës deri sot ka mbetur pa përgjigje. E kemi menduar statujën të ngrihet në kryeqytet si kampionja e parë dhe e vetme olimpike por kot”, tha Kuka.

Ai shtoi se kryetari i Prishtinës Shpend Ahemti nuk ka asnjë informacion për këtë çështje.

Kuka ka publikuar edhe emailin e pranuar nga drejtuesi i projektit për statujën, Jessie Schattner, i cili kërkon të dijë adresën e saktë se ku duhet të dorëzojnë statujën.