Studim: Cigaret elektronike më pak të dëmshme se duhani

Duhanpirësit mund të përmirësojnë shëndetin e zemrës brenda disa javësh nëse kalojnë në përdorimin e cigareve elektronike, tregon hulumtimi më i madh i këtij lloji.

Studimi njëmujor i 114 duhanpirësve sugjeron që tymosja e cigareve elektronike ka potencialin për të zvogëluar sulmin në zemër dhe rrezikun e goditjes në tru.

Ekipi, në Universitetin Dundee, theksoi se tymosja e cigareve elektronike nuk ishte e sigurt – thjesht më pak e dëmshme se duhani.

Fondacioni Britanik i Zemrës tha se ndalimi i pirjes së duhanit ishte gjëja më e mirë që mund të bënit për zemrën tuaj.

Kimikatet në tymin e cigareve ngushtojnë arteriet pasi ato acarohen me depozita yndyrore duke rritur rrezikun e një bllokimi vdekjeprurës. Në fund të fundit pirja e duhanit dyfishon rrezikun tuaj për të pasur një sulm në zemër.

Por, studiuesit thanë se provat e tanishme mbi cigaret elektronike janë shumë të dobëta dhe shpesh vlerësohet ndikimi i vetëm një cigare elektronike në shëndetin e zemrës.