Suedia U-21 fton dy kosovarë për ndeshjet e shtatorit

Kombëtarja suedeze U-21 ka publikuar listën e lojtarëve të ftuar për ndeshjet e shtatorit.

Në mesin e të rinjve që iu ka besuar trajneri Daniel Bäckström, janë edhe shqiptarët Elison Makolli dhe Bleon Kurtulus, shkruan IndeksOnline.

Suedia do të jetë nikoqire e Armenisë, më 5 shtator dhe do të udhëtojë për në Mal të Zi, më 9 shtator.

Makolli dhe Kurtulus kanë treguar rezultate të mira me ekipet e tyre: AaB dhe Allsvenskan club Halmstads.

Mbetet të shihet se sa minuta do të marrin në këto dy ndeshje të rëndësishme për kualifikim në Europianin U-21./IndeksOnline/