08:38 / E Enjte, 30 Nëntor 2023 / MSH
Suharekë, nxënësit vjedhin televizorin e shkollës
Një ngjarje e pazakontë ka ndodhur në Suharekë, ku dy të mitur kanë vjedhur një televizor të shkollës.
Rasti është raportuar dje rreth orës 08:55.
Sipas policisë, të miturit gjatë natës kanë hapur me forcë dritaren e shkollës “Shkëndija” dhe përmes saj kanë depërtuar dhe kanë kryer vjedhjen.
Vlera e televizorit raportohet të jetë 400 euro.
“Me vendim të prokurorit, të dyshuarit pas intervistimit janë liruar në procedurë të rregullt” thuhet në njoftimin e policisë.
