Suharekë: Vdes pasi rrëzohet nga shtëpia e bie në tela të rrymës

Policia e Kosovës ka bërë të ditur se një person në fshatin Peqan në Suharekë ka vdekur, pasi ka rënë në tela të rrymës.

“Një mashkull K/Shqiptar, derisa ishte duke punuar në ndërtimin e një pllake të shtëpisë, ka rënë në kontakt me telat e rrymës elektrike. Viktima është dërguar në QKMF-Suharekë dhe nga mjeku kujdestar është konstatuar se viktima nuk ka shenja jete. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion”, thuhet në raport policor. /Indeksonline/