Sulmet e ShBA-së mbi Karakas: Kolumbia vendos trupa përgjatë kufirit me Venezuelën

Pas një mbledhjeje të Këshillit Kombëtar të Sigurisë që filloi në orën 03:00 me kohën lokale (08:00), presidenti i Kolumbisë, Gustavo Petro, njoftoi vendosjen e forcave publike përgjatë kufirit me Venezuelën, shkruan CNN.

Nga Bogota, po përgatiten masa për një mundësi të fluksit masiv të refugjatëve venezuelianë pas sulmeve të SHBA-së në Karakas dhe zona të tjera të vendit.

Rajoni mbetet në ankth mes raportimeve të mëtejshme për kapjen e supozuar të presidentit venezuelian Nicolás Maduro dhe gruas së tij, Cilia Flores, siç njoftoi presidenti Donald Trump.

Petro ka bërë thirrje vazhdimisht për paqe dhe dialog që nga momenti kur u raportuan shpërthimet e para në Karakas.

Kolumbia dhe Venezuela ndajnë mbi 2,000 km kufi tokësor – dhe gjatë historisë, krizave ekonomike dhe sigurie në të dy vendet kanë shtyrë miliona njerëz të kërkojnë strehim në njërën ose tjetrën anë.

Ky është një moment i paprecedent për Venezuelën, që do të ketë pasoja direkte edhe në vende të tjera – dhe Kolumbia ndodhet në vijën e parë.