Sulmi në Vjenë/ Arrestohen edhe dy persona në Zvicër, dyshohen për lidhje me Kujtim Fejzullain

Dy zviceranë janë arrestuar sot në Zvicër, si të dyshuar për lidhje me sulmin e mbrëmshëm terrorist në Vjenë, në të cilën mbetën të vrarë të paktën katër persona.

Policia zvicerane ka njoftuar se arrestimi është kryer në bashkëpunim me autoritetet austriake.

Të arrestuarit janë një 18-vjeçar dhe një 24 vjeçar të cilët dyshohet se kanë lidhje me kryerësin e vrasjeve në kryeqytetin austriak, shqiptarin nga Maqedonia e Veriut, Kujtim Fejzullahi.

Të njëjtit janë arrestuar në qytetin e Winterthurtit, teksa policia zvicerane njofton se është në kontakte të ngushta me kolegët e tyre në Austri në lidhje me këtë çështje.

Përveç policisë, në operacionin e arrestimit sipas raportimeve janë përfshirë edhe prokurori publik i Cyrihut, Zyra Federale e Policisë(FEDPOL) si dhe policia e Winterthurit.

Am Montag ist es in in Wien zu einem Anschlag mit terroristischem Hintergrund gekommen. Die Kapo Zürich hat in diesem Zusammenhang den Einsatzstab „Wien“ gebildet, um zu prüfen, ob Bezüge der Taten in Wien zum Kanton Zürich bestehen. https://t.co/BmpUSAualv#KapoZH #Sicherheit pic.twitter.com/kKf8LBlQLJ

— Kantonspolizei Zürich (@KapoZuerich) November 3, 2020