Sulmohet dhe grabitet ish trajneri i Brazilit

Ish-trajneri i Brazilit, Tite, është sulmuar dhe grabitur dje në rrugët e Rio de Janeiros.

Ai ishte duke ecur nëpër lagjen Barra da Tijuca, një zonë periferike dhe e pasur e Rio, kur u sulmua nga një person, transmeton IndeksOnline.

Ish-trajneri i “Seleçaos” kishte qëllim të kalonte pa u vënë re, por një person e njohu dhe e sulmoi, duke i marrë me dhunë një send me vlerë (dyshohet së bëhet fjalë për një varëse).

Personi në fjalë (ende i paidentifikuar), e kritikoi fillimisht për eliminimin e Brazilit nga Kupa e Botës, para se t’i merrte më dhunë bizhuterinë.

Të njëjtat informacione konfirmojnë se Tite nuk ka pësuar dëmtime fizike.

Brazili dështoi në Kampionatin Botëror “Katar 2022”, pasi u eliminua në çerekfinale nga Kroacia./IndeksOnline/