Sulmuan dy zyrtarë policorë, arrestohen të dyshuarit në Zhegër të Gjilanit

Dy persona që dyshohet se kanë sulmuar fizikisht dy zyrtarë policorë janë arrestuar në Zhegër të Gjilanit.

Në raportin 24 orësh, Policia e Kosovës ka njoftuar se policët u sulmuan derisa ishin duke shqiptuar një kundërvajtje në trafik.

Derisa, të dyshuarit dhe zyrtarët policorë kanë pranuar trajtim mjekësor.

“Fsh. Zhegër, Gjilan  12.12.2025 – 10:00.  Janë arrestuar dy të dyshuar meshkuj kosovarë për shkak se kanë sulmuar fizikisht dy zyrtarë policorë derisa ishin duke shqiptuar një kundërvajtje në trafik. Zyrtarët policorë dhe të dyshuarit kanë pranuar trajtim mjekësor, ndërsa me vendim të prokurorit të dyshuarit pas intervistimit  janë dërguar në mbajtje”, njofton PK.