Superliga e Basketbollit vjen me dy përballje interesante, vëmendja në ndeshjen Trepça – Prishtina

Sot zhvillohen dy ndeshje interesante në basketbollin kosovar, të vlefshme për javën e dytë të Prince Caffe Superligës.

Dy rivalët e vjetër, Trepça dhe Sigal Prishtina do të jetë ndeshja kryesore e ditës së sotme, shkruan IndeksOnline.

Minatorët vijnë pas fitores bindësa ndaj Istogut, ndërsa skuadra nga kryeqyteti javën e kaluar mposhti Proton Cable Prizrenin.

Kjo ndeshje zhvillohet nga ora 19:00.

Ndeshja tjetër e ditës së sotme luhet mes Bashkimit dhe Vëllaznimit.

Prizrenasit në javën e parë kanë mposhtur skuadrën e Golden Eagle Yllit, ndërsa kuqezinjtë kanë pësuar humbje nga Peja.

Ndeshja Bashkimi – Vëllaznimi, zhvillohet nga ora 17:00./IndeksOnline/